Archives for 2016

شي ناس كيقولو للمغربي للي يولي مسيحي “صافي خنتي العهد والوطن، صافي بعتي دينك؟ بعتي عائلتك؟ بعتي الوطن ديالك ولّيتي مسيحي؟” يوسف غادي يجاوب على هاد الاتهامات للي كيوجهوها الناس بلا ما يفكروا فيها. المغربي المسيحي ما باع ماشرى في الدين، هو حر فكر وختار الدين للي يريحو.

في هذا الحلقة زينب كتهضر على المرتد، وعلاش في مجتمعنا كيحكموا على الواحد ملي يخرج من الدين وكتنوض القيامة ضدو، ولكن إيلا شي واحد ولا مسلم كلشي كيفرح بيه. زينب كتآمن بللي من حق كل واحد فينا يختار المصير دياله، وما من حق حتى واحد يمنعه في اختيار دياله ممكن يناقشه لكن ما يمنعوش.

في هاد المقطع غادي يشرح لينا رشيد شناهو المعنى ديال كاوري، وديال نصراني، وديال مسيحي، شناهو الفرق بين هاد الكلمات؟ واش المسيح كان كاوري؟ كان نصراني؟ كان غربي؟ واش المسيحية جات من الغرب ولا من الشرق؟ علاش فهمونا بللي المسيحية ديال البراني ماشي ديالنا؟

في هاد الحلقة إيمان كتشرح كيفاش ولات مسيحية، واش غير حيت كبرات في أسرة مسيحية راها مسيحية؟ ولا قررات في وقت من الأوقات بكل حرية واختارت تكون مسيحية؟ واشناهي التحديات اللي واجهاتها في هاد القرار.

في هاد المقطع رشيد غادي يشرح لينا بعدا كيفاش ولا مسيحي، وكيطرح أسئلة مهمة: واش ماشي من حقي كمغربي نولي مسيحي ولا ملحد ولا بلا دين كاع؟ واش مكتوب علي إيلا تولدت مغربي نكون مسلم بلهلا يزكلو ليا، واش الدين صحة؟ واش الله ديكتاتور؟ آش غادي يدير هاد المسيحي كاع؟ يصلي؟ يتجمع مع مسيحيين بحالو […]

كل مغربي ولاَّ مسيحي عندو قصة علاش ولا مسيحي وكيفاش، القصص كتختلف من شخص لآخر بحسب ظروف كل واحد. زينب غادة تعاود لينا كيفاش ولات مسيحية، وكيفاش تغيرات نظرتها للمسيح، آشنو كانت كتعرف عليه من قبل وآشنو للي عرفات من بعد ما قرات عليه في الإنجيل.

في هاد الحلقة غادين نكملو نشوفو فيها آش كيديرو المغاربة المسيحيين مللي كيتجمعوا في ديورهم، واش كيتجمعوا يديرو شي حاجة خايبة ولا غير كيعبدو الله بطريقتهم الخاصة بهم؟ واش عباداتهم فيها شي حاجة كتضر البلاد أو العباد؟

كيفاش المغاربة المسيحيين كيعبدوا الله، واش كيجتمعوا باش يخططوا للانقلابات مثلا؟ واش كيتجمعوا باش يتجسسوا على البلاد؟ واش يتجمعوا على البلا؟ ولا هما مجرد ناس عاديين كيتجمعوا باش يعبدوا الله بطريقتهم الخاصة بهم كمغاربة مسيحيين؟ هاد المقطع غادي نشوفوا فيه كيفاش المغاربة كيعبدوا الله.

في هاد الحلقة غادي يشرح لينا يوسف واش من حق الواحد يبدل دينه، واش كاع هاد المسيحيين باعوا دينهم؟ واش ما كاين حتى واحد قتنع زعما؟ كل واحد قصتو مختلقة على لاخر، ولكن حتى واحد ما بدل دينه على قبل الفلوس أو على قبل شي حاجة مادية، تغيير القناعات أسبابه روحية، يوسف باختصار كيقول بللي […]

واش المغاربة المسيحيين ولاو مسيحيين على قبل الفيزا؟ واش إيلا مشيتي لشي قنصلية وقلت ليهم بللي وليتي مسيحي غادين يعطيوك الفيزا؟ يوسف يشرح لينا في هاد الحلقة الموضوع مزيان.