الموسم الأول

إيلا سولتي أي مسلم واش كتآمن بالمسيح، غادي يقول لك، طبعا كنآمن بالمسيح، راه إيماني ناقص إيلاما آمنتش بالمسيح، راه من أركان الإيمان الإيمان بالله وملائكته وكتبه ورسله…ورسله داخل فيهم المسيح. ولكن واش فعلا المسلمين كيآمنوا بالمسيح؟ آش من إيمان عندهم بالمسيح؟

للي سولتيه على المسيحية أول حاجة غادي يقولها ليك هي أن “المسيحيين مشركين”، لأنهم كيآمنوا بثلاث آلهة في نظره، ولكن واش المسيحيين فعلا مشركين؟ واش كيآمنوا بثلاثة الآلهة؟ في هاد الحلقة رشيد غادي يشرح هاد الموضوع بالتفصيل.

فهاد الفيديو زينب كتوضح الفكرة للي عند بزاف ديال المغاربة انه حلال عليهم يكونو مسلمين ويعيشو اسلامهم وطقوسهم بكل حرية سواء فالمغرب ولا خارج المغرب وحرام على المغاربة المسيحيين انهم يديرو نفس الشي..

فهاد الفيديو الزوبير كيهضر مع الصوت وكيعاود ليه على المحبة وأهميتها فالايمان المسيحي..وعلى كيفاش أنها أعظم وصية فالوصايا للي اعطانا الله.. محبة الله ومحبة الآخر.

زينب فهاد الفيديو كتهضر على مفهوم العلاقة مع الله واهميتها..وكيفاش ان وحدة من الطرق للي كتقوي العلاقة مع الله هي الصلاة والاستماع لله كذلك.. شوفو معانا

زينب فهاد الفيديو كتعاود واحد القصة الي من خلالها كتبين ان للي كيتبع كلام الناس ماغاديش يسالي…وكيفاش ان للي كيهتم بزاف بكلام الناس يقدر يخسر نفسو ويخسرحياتو مع الله… شوفو معانا الفيديو.

 فهاد الفيديو عتيقة غادي  توضح المفهوم الحقيقي ديال الكنيسة انها ماشي  بناية كيما كيفكرو بزاف د المغاربة وانما هي مجموعة ديال المؤمنين المسيحين مللي كيجتمعو مع بعض للصلاة والعبادة فأي مكان وأي زمان  

ايمان فهاد الفيديو كتعرَّف بمصطلح جديد ولِّي أصبح كيتْستَخْدم مؤخرا بزاف وهو التفكير خارج الصندوق وكتبين علاش خاص نوليو نفكرو بهاد الطريقة وكيفاش كتأثر علينا ايجابيا فحياتنا الشخصية ومع الاخر..