في هاد الحلقة إيمان غادة تحاول تدير حوار مع الدكتور عبد اللطيف المغربي المسيحي، غادي يبدا يعاود لينا قصته وكيفاش ولا مسيحي، القصة طويلة لكن حاولنا نختاصروها في مقاطع خفيفة ظريفة باش تقدرو تبعوها معانا، نتمناو نتوصلوا بتعليقاتكم وتشجيعاتكم.

فهاد الفيديو إيمان كتشرح علاش المسيحي كيتزوج على سنة الله ورسوله.. وخا هو بعيد على التشريع الاسلامي وكتطالب بزواج مدني لغير المسلمين المغاربة للي العدد ديالهم غادي وكيكبر… شوفو معانا.

..فهاد الفيديو زينب من خلال تناولها لمثل مغربي معروف …كتحاول توصل لينا معنى الصبر وضرورة الصبر فالحياة ديالنا

كيفاش المغاربة المسيحيين كيعبدوا الله، واش كيجتمعوا باش يخططوا للانقلابات مثلا؟ واش كيتجمعوا باش يتجسسوا على البلاد؟ واش يتجمعوا على البلا؟ ولا هما مجرد ناس عاديين كيتجمعوا باش يعبدوا الله بطريقتهم الخاصة بهم كمغاربة مسيحيين؟ هاد المقطع غادي نشوفوا فيه كيفاش المغاربة كيعبدوا الله.

يوم 14 فبراير هو يوم عيد الحب، او كيما كنقولو عليه الفالنتاين، بزاف ديال الناس فالمغرب وبرا المغرب كيحتافلو بيه، يعني كيحتافلو بالحب. فهاد الفيديو ايمان غادي تشارك مفهومها على الحب ومنين جا الحب، وكيفاش باقي المسيحيين كيشوفوه كذلك.

فهاد الفيديو إيمان كتهضر على نظرية المؤامرة للي كتقال بزاف من طرف المغاربة المسلمين وهي انه كاينة شي خطة اجنبية ومتقنة لتنصير المغاربة… في حين الحقيقة ماشي هي هادي… شوفو اشنو كتقول

يوسف فهاد الفيديو كيتناقش مع صاحبو للي عرفو ولى مسيحي ومقابلش هاد الجديد ديالو وباغيه يبدل سميتو ويدير شي سمية كاورية…

في هاد المقطع كيجاوب يوسف على الاتهامات اللي بزاف الناس كيقولوها في حق المغاربة المسيحيين، خصوصا مللي كيقولوا بللي غير بغينا نقلدوا الغرب، واش فعلا المغاربة المسيحيين بغاو غير يقلدوا الغرب؟ واش المسيح أصلا كان غربي؟ واش المسيحية غربية؟

فهاد الفيديو زينب كتوضح الفكرة للي عند بزاف ديال المغاربة انه حلال عليهم يكونو مسلمين ويعيشو اسلامهم وطقوسهم بكل حرية سواء فالمغرب ولا خارج المغرب وحرام على المغاربة المسيحيين انهم يديرو نفس الشي..